Prezıdent Abaı oblysynyń órt sóndirýshilerin memlekettik nagradalarmen marapattady
Atap aıtsaq,Abaı oblysy Tótenshe jaǵdaılar departamenti órt sóndirý jáne avarııalyq-qutqarý jumystary qyzmeti № 14 órt sóndirý bóliminiń júrgizýshi-qyzmetkeri Toǵyzbaev Aıdos Erulanuly qaıtys bolǵannan keıin ІІІ dárejeli «Aıbyn» ordenimen;
Abaı oblysy Tótenshe jaǵdaılar departamenti órt sóndirý jáne avarııalyq-qutqarý jumystary qyzmeti № 14 órt sóndirý bóliminiń bólimshe komandıri Turlybekov Amangeldi Aıtmuhashuly ІІІ dárejeli «Aıbyn» ordenimen;
Abaı oblysy Tótenshe jaǵdaılar departamenti órt sóndirý jáne avarııalyq-qutqarý jumystary qyzmeti № 14 órt sóndirý bóliminiń órt sóndirýshisi Nurlan Sálimjan «Erligi úshin» medalimen marapattaldy.
Eske salaıyq, keshe QR Tótenshe jaǵdaılar vıtse-mınıstri Marat Kúldikov pen Abaı oblysynyń ákimi Nurlan Uranhaev dala órtin sóndirý kezinde kúıik shalyp, qaza tapqan órt sóndirýshi Aıdos Toǵyzbaevtyń otbasyna QR Prezıdentiniń atynan ІІІ dárejeli «Aıbyn» ordenin tabystady. Sonymen qatar baǵaly syılyqtar men 3 bólmeli páterdiń sertıfıkaty berildi. Azamattyq qorǵaý serjanty A.Toǵyzbaev azamattyq qorǵaý organdarynda 2019 jyldyń sáýir aıynan beri qyzmet atqardy.
Sondaı-aq vıtse-mınıstr Marat Kúldikov Semeı qalasynyń Jedel medıtsınalyq járdem aýrýhanasynda jatqan Amangeldi Turlybekovtyń jaǵdaıyn bilip, ІІІ-dárejeli «Aıbyn» ordenin tabystady. Qyzmetkerdiń qazirgi jaǵdaıy qalypty. Biraq áli de aýyr.
Vıtse-mınıstr Jarma aýdany Shar qalalyq aýrýhanasyna da baryp, túrli dárejedegi kúıik jaraqatyn alǵan Nurlan Sálimjannyń jaǵdaıyn bilip qaıtty. Qutqarýshyǵa memlekettik nagrada «Erligi úshin» medali tabystaldy.
Sonymen qatar Baqyrshyq áskerı-qutqarý bólimshesiniń mamany Qýat Baıǵazınovke oblys ákiminiń alǵys haty joldandy. Jarma aýdanynda bolǵan dala órti kezinde Qýat Baıǵazınov órt sóndirýshi Aıdos Toqyzbaevqa jedel járdem mamandary kelgenge deıin alǵashqy medıtsınalyq kómek kórsetken.
Foto : gov.kz
