Prezıdent Abaı oblysyndaǵy polıtseıge alǵys bildirdi

SEMEI. KAZINFORM – Abaı oblysyndaǵy polıtsııa qyzmetkeri Memleket basshysynyń Alǵys hatyn aldy.

2 naýryz kúni Kókpekti aýdanyndaǵy apattyq-qutqarý jumystaryn júrgizý kezinde qyzmettik boryshyn adal atqarǵany jáne batyldyǵy úshin aýdandyq PB ákimshilik polıtsııa bólimshesiniń bastyǵy, polıtsııa maıory Danııar Qaıyrqanov Qazaqstan Respýblıkasy Prezıdentiniń Alǵys hatymen marapattaldy.

Polıtsııa qyzmetkerine marapatty QR Tótenshe jaǵdaılar vıtse-mınıstri, general-maıor Erlan Nurpeıisov saltanatty túrde tabys etti.

Esterińizge sala keteıik, osy jyldyń 16 aqpanynda Kókpekti aýdanynda aýa raıynyń qolaısyzdyǵynan 100-den astam kólik qar qursaýynda qalǵan bolatyn.

Tártip saqshysy kúrdeli meteorologııalyq jaǵdaıǵa qaramastan Abaı oblysyndaǵy tasjolǵa shyǵyp, júrgizýshilerge jol kórsetti.

Barlyǵy qutqarý operatsııasy barysynda azamattyq qorǵaý jáne jol polıtsııasy qyzmetkerleri 381 adamdy qutqardy, onyń 19-y bala.