Prezıdent «Abaı Arena» mádenı-sport kesheniniń qurylysymen tanysty

SEMEI. QazAqparat - Qasym-Jomart Toqaev Semeıdegi «Abaı Arena» mádenı-sport kesheniniń qurylysymen tanysty, dep habarlaıdy QazAqparat Aqordanyń baspasóz qyzmetine silteme jasap.

Memleket basshysyna nysannyń qurylys barysy tanystyrylyp, keshenniń aldaǵy jumys baǵyty jóninde baıandaldy.

Jalpy, «Abaı Arena» mádenı-sport kesheni oblys bıýdjeti esebinen boı kóterýde. Nysannyń jalpy aýmaǵy – 33,8 myń sharshy metr. Keshen osy jyldyń sońynda paıdalanýǵa beriledi.

Sondaı-aq, shara barysynda Qazaqstan Prezıdentine «Qaraǵaıly» turǵyn aýdanynyń jobasy tanystyryldy. 25,4 myń adamǵa arnalǵan turǵyn aýdannyń aýmaǵy – 787,7 myń sharshy metr. Bıyl 13 úı paıdalanýǵa berilip, 800-den astam otbasy baspanaly bolady.