Prezıdenttiń Qazaqstan halqyna Joldaýy tikeleı efırde kórsetiledi
ASTANA. KAZINFORM — Memleket basshysy Qasym-Jomart Toqaev 8 qyrkúıekte ótetin Parlament palatalarynyń birlesken otyrysynda Qazaqstan halqyna Joldaýyn jarııalaıdy. Bul týraly Aqorda málim etti.
— Jıynǵa Senat pen Májilis depýtattary, ortalyq memlekettik organdar basshylary, Ulttyq quryltaı músheleri, qoǵam ókilderi men eńbekkerler qatysady. Memleket basshysynyń Joldaýy saǵat 11:00–den bastap respýblıkalyq telearnalardan, sondaı-aq Aqordanyń áleýmettik jelilerdegi resmı paraqshalarynan tikeleı efırde kórsetiledi, — delingen habarlamada.
Joldaýdyń onlaın translıatsııasy Jibek Joly efırinde, sondaı-aq telearnanyń YouTube arnasynda jáne Kazinform agenttigi saıtynda júrgiziledi. Kazinform saıty men telegram arnasy jazbasha translıatsııa da jasaıdy.
Eske sala keteıik, búgin Erlan Qoshanov Parlament palatalarynyń birlesken otyrysyn shaqyrdy.