Prezıdent 30 jyl buryn Qazaqstan BUU trıbýnasynda aıtqan usynysty eske aldy
ASTANA. QazAqparat – QR Prezıdenti Qasym-Jomart Toqaev Birikken Ulttar Uıymy Bas Assambleıasy 77-sessııasynyń jalpy debatynda sóılegen sózinde Qazaqstan tarapynan 30 jyl buryn aıtylǵan usynysty eske saldy, dep habarlaıdy QazAqparat tilshisi.
«Biz jahandyq syn-qaterler men daǵdarystarǵa qarsy qabyldanatyn qarapaıym is-sharalardan olardy boldyrmaýǵa jáne sapaly boljaýǵa, sondaı-aq saıası baǵyttardy strategııalyq josparlaý jáne ázirleý aıasyndaǵy baǵalaý ádisterimizdi jumyldyrýǵa kóshýimiz kerek.
Qazaqstan 30 jyl buryn dál osy maqsatpen Azııadaǵy ózara is-qımyl jáne senim sharalary jóninde keńes (AÓSShK) qurýdy usyndy», - dep eske saldy Prezıdent.
Sondaı-aq, memleket basshysy qazan aıynda ótetin samıt úshin atalǵan usynys mańyzdy ekenin atady.
«Jańa syn-tegeýrinder men qaýip-qaterlerge baılanysty aldaǵy qazan aıynda araaǵaıyndyq pen bitimgerlikke atsalysý maqsatynda ótetin Sammıtte AÓSShK tolyqqandy halyqaralyq uıymǵa aınalady dep úmittenemiz», - dedi Memleket basshysy.
Foto:akorda.kz
