Prezıdent 2027 jyldy Jalpyhalyqtyq aýqymdy qurylys jyly dep jarııalaýdy usyndy
ASTANA. KAZINFORM – Ár oblys ortalyǵynda, aýdandarda, tipti eldi mekenderde azamattyq ınfraqurylym nysandaryn salýǵa jáne jóndeýge kirisý kerek. Bul týraly Qazaqstan halqyna Joldaýyn jarııalaý kezinde Prezıdent Qasym-Jomart málim etti.
- Sondyqtan men kelesi jyldy Jalpyhalyqtyq aýqymdy qurylys jyly dep jarııalaýdy usynamyn. Osy jyldyń aıasynda ár oblys ortalyǵynda, aýdandarda, tipti eldi mekenderde azamattyq ınfraqurylym nysandaryn salýǵa jáne jóndeýge kirisýimiz kerek, - dedi Qasym-Jomart Toqaev.
Prezıdenttiń aıtýynsha, joldar, áýejaılar, vokzaldar, densaýlyq saqtaý mekemeleri, sonyń ishinde erekshe qajettiligi bar balalarǵa arnalǵan ońaltý ortalyqtarynyń qurylysyn bastaý qajet.
- Sondaı-aq barlyq aımaqta shyǵarmashylyq úıleri, sport keshenderi, kitaphanalar jáne ǵylymı ortalyqtar boı kóterýi kerek. Árıne, turǵyn úı salý da mańyzdy mindet bolyp qala beredi. Konstıtýtsııada halyqtyń ál-aýqatyn arttyrý memlekettiń strategııalyq basymdyǵy retinde aıqyndaldy. Osy bastamalardyń barlyǵy el ıgiligi, ásirese óskeleń urpaqtyń qamy úshin qolǵa alynyp otyrǵanyn basa aıtqym keledi, - dedi Memleket basshysy.
