Prezıdent 2023 jyly Atyraý káriz-tazartý qondyrǵysy qurylysyn aıaqtaýdy tapsyrdy
NUR-SULTAN. QazAqparat – 2023 jyly Atyraý qalasynyń káriz-tazartý qondyrǵysy qurylysy aıaqtalýy tıis. Bul týraly búgin Atyraý oblysynyń áleýmettik-ekonomıkalyq damý máseleleri jónindegi keńeste Memleket basshysy Qasym-Jomart Toqaev aıtty, dep habarlaıdy QazAqparat tilshisi.
Memleket basshysy Atyraýǵa jaqyn ornalasqan «Týhlaıa balka» býlaný alańy qalanyń ekologııalyq ahýalyn nasharlatyp otyrǵandyǵyn basa aıtty.
«Úkimetke, «Samuryq-Qazyna» qoryna jáne oblys ákimdigine býlaný alańyn qalyna keltirýdi, sonymen qatar 2023 jyly qalada káriz-tazartý qondyrǵysy qurylysyn tolyqtaı aıaqtaýdy tapsyramyn», - dedi Qasym-Jomart Toqaev.
QR Prezıdentiniń atap ótýinshe, óńirdegi qatty turmystyq qaldyqtar polıgondary da ekologııalyq talaptarǵa saı kelmeıdi. Bul problemany sheshý úshin memlekettik-jekeshelik seriktesti tetikterin belsendi túrde qoldaný qajet.
«Qaıtalap aıtamyn, zańnamalyq ári retteýshilik tetikter qabyldanyp qoıdy. Is júzindegi jumys ákimdikterge qalyp otyr. Óńirdegi ekologııalyq ahýalǵa keshendi monıtorıng júrgizýge úkimettik emes sektor men salalyq úkimettik emes uıymdardy belsendi túrde tartý qajet», - dedi Memleket basshysy.
