2025 jyly Prezıdent 186 halyqaralyq kezdesý ótkizdi
ASTANA. KAZINFORM — Prezıdent shet memleketterdiń úkimet basshylarymen, basqa da joǵary laýazymdy tulǵalarymen, halyqaralyq qurylymdar jetekshilerimen, iskerlik top ókilderimen jáne sarapshylarmen 186 kezdesý ótkizgeni belgili boldy.
Bul týraly QR Prezıdentiniń kómekshisi — Baspasóz hatshysy Rýslan Jeldibaı óziniń Telegram arnasynda habarlady.
— Sheteldik saparlarda saýda-ekonomıkalyq, kólik-logıstıkalyq jáne ınvestıtsııalyq yqpaldastyqty nyǵaıtýǵa aıryqsha mán berildi. Halyqaralyq kezdesýler kezinde jalpy somasy 70 mıllıard dollardan asatyn kommertsııalyq kelisimder jasaldy, — dep jazdy Rýslan Jeldibaı.
Budan buryn ol bıyl Memleket basshysynyń syrtqy jáne ishki saıasat baǵytyndaǵy qyzmeti óte qaýyrt ári jemisti ótkenin aıtty.
Sondaı-aq 2025 jyly Prezıdent qansha normatıvtik-quqyqtyq aktige qol qoıǵany belgili boldy.