Aqorda Prezıdenttiń aldaǵy bir aptadaǵy jumys kestesin jarııalady
ASTANA. KAZINFORM — 14 qarasha kúni Prezıdent Qasym-Jomart Toqaev Astanada ótetin Aýyl sharýashylyǵy eńbekkerleriniń ekinshi forýmyna qatysady. Bul týraly Aqorda málim etti.
— Jıyn barysynda agrarlyq salany damytýdyń ózekti máseleleri talqylanady. 14-15 qarasha kúnderi Qasym-Jomart Toqaev Ózbekstan Prezıdenti Shavkat Mırzıeevtiń shaqyrýymen Tashkentke memlekettik saparmen barady, — delingen habarlamada.
Memleketter basshylary tet-a-tet formatynda kelissóz júrgizedi, sondaı-aq prezıdentterdiń tóraǵalyǵymen Qazaqstan-Ózbekstan Joǵary memleketaralyq keńesiniń ekinshi otyrysy ótedi.
16 qarashada Prezıdent Tashkentte ótetin Ortalyq Azııa jáne Ázerbaıjan memleketteri basshylarynyń VII Konsýltatıvtik kezdesýine qatysady. 17-19 qarasha kúnderi Astanaǵa Estonııa Prezıdenti Alar Karıs memlekettik saparmen keledi. Aqordada memleketter basshylary joǵary deńgeıde kelissóz júrgizip, ekijaqty yntymaqtastyq perspektıvasyn talqylaıdy.
Eske sala keteıik, buǵan deıin Qasym-Jomart Toqaev Máskeýge memlekettik saparmen barǵanyn jazǵan bolatynbyz.