Prezıdent «100 jańa esim jeńimpazdaryna» kreatıvti ekonomıka týraly oıyn aıtty

NUR-SULTAN. QazAqparat – Memleket basshysy Qasym-Jomart Toqaev «Qazaqstannyń 100 jańa esimi» jobasynyń jeńimpazdarymen kezdesýinde kreatıvti ekonomıkany damytýdyń mańyzdylyǵyna toqtaldy, dep habarlaıdy QazAqparat tilshisi.

«Qoǵamdyq-saıası saladaǵy tabandy ózgerister belsendi azamattardyń saıasatqa qatysýy men mańyzdy memlekettik sheshimder qabyldaýy úshin keń perspektıvalar ashady. Bizdiń ult kreatıvti ındýstrııany damytýda zor áleýetke ıe. Qazirgi kezeńde shyǵarmashylyq ekonomıka mıllıardtaǵan dollarlyq ınvestıtsııalardy tartady, sizder bul týraly jaqsy bilesizder. Kreatıvti ekonomıka ornyqty ekonomıkalyq ósim men áleýmettik progrestiń mańyzdy quramdas bóligine aınalyp keledi. Qazaqstandyq mádenı tolqyn óńirlik jáne jahandyq deńgeıde óz jolyn senimdi bastady. Biz óz mádenıetimizdi álemge tanytý jáne ilgeriletý úshin qolda bar múmkindikterdi saýatty paıdalanýymyz kerek. Sondyqtan men Úkimetke osy strategııalyq mańyzdy salany qoldaý úshin keshendi sharalar qabyldaýdy tapsyrdym», -dedi Prezıdent.