Presight kompanııasy Qazaqstanda jasandy ıntellektini damytady

Memleket basshysy Qasym-Jomart Toqaev Presight (G42) kompanııasynyń basqarma tóraǵasy Tomas Pramotedhamdy qabyldady. Kazinform bul týraly Aqordaǵa silteme jasap habarlaıdy.

Prezıdentke Presight (G42) kompanııasy qazirgi ýaqytta «Samuryq-Qazyna» aktsıonerlik qoǵamymen birlesken kásiporyn qurý jóninde belsendi kelissóz júrgizip jatqany týraly málimet berildi.

Atalǵan joba aıasynda «Samuryq-Qazynaǵa» qarasty enshiles kompanııalar men óndiris kásiporyndary jumysynyń tıimdiligin arttyrý úshin tsıfrlyq sheshimderdi engizý, elimizde jasandy ıntellektini damytýǵa qajetti esepteýish qýatynyń habyn qurý jáne osy sala mamandarynyń biliktiligin arttyrý kózdelgen.

Sonymen qatar kezdesýde jasandy ıntellekt salasyndaǵy yntymaqtastyq perspektıvasy qarastyryldy. Memleket basshysy G42 holdınginiń enshiles AI Brain kompanııasyn Nazarbaev Ýnıversıteti janyndaǵy Jasandy ıntellekt ınstıtýtymen seriktese jumys isteýge shaqyrdy.