Premer soltústik pen shyǵys óńirlerdi jylý maýsymyna bir aı erte daıyndaýdy tapsyrdy

ASTANA. KAZINFORM – Premer-mınıstr Oljas Bektenov kommýnaldyq sharýashylyqqa qajet kómirde jazda jınaqtap qoıýdy tapsyrdy.

«Energetıka, Ónerkásip mınıstrlikteri men óńir ákimdikteri jylytý maýsymyna daıyndyq boıynsha barlyq is-sharalar josparyn 15-shi mamyrǵa deıin bekitsin. 

Ortalyq, soltústik jáne shyǵys óńirlerde 15-shi qyrkúıekke deıin, al qalǵan óńirlerde 15-shi qazanǵa deıin barlyq ınjenerlik ınfraqurylym men turǵyn úı-kommýnaldyq sharýashylyq obektileriniń jańa jylytý maýsymyna tolyq daıyn bolýyn qamtamasyz etý kerek», — dedi Premer-mınıstr.

Úkimet basshysy tasqynnan zardap shekken óńirlerdiń jylý maýsymyna daıyndyǵyn basa nazarda ustaý qajettigine eske saldy.

«Ónerkásip, Energetıka mınıstrlikteri men óńir ákimdikteri barlyq jylý kózderin otynmen ýaqtyly qamtamasyz etýi qajet. Kommýnaldyq-turmystyq kómir qoryn jaz kezinde jınaqtap alý jumysyn jandandyrý kerek», — dedi Oljas Bektenov.