Premer-mınıstrdiń tapsyrmasymen eki mınıstr «Semeı ormanyna» attandy
ASTANA. KAZINFORM — Premer-mınıstrdiń tapsyrmasy boıynsha «Semeı ormany» aýmaǵyndaǵy jumystardy úılestirý úshin tótenshe jaǵdaılar jáne ekologııa mınıstrleri óńirge jiberildi.
Premer-mınıstr Oljas Bektenov tótenshe jaǵdaılar mınıstri Shyńǵys Árinov pen ekologııa jáne tabıǵı resýrstar mınıstri Erlan Nysanbaevqa «Semeı ormany» aýmaǵynda orman órtin sóndirý jumystaryn úılestirý maqsatynda Abaı oblysyna shuǵyl barýdy tapsyrdy.
Jaqyn mańdaǵy eldi mekenderdi qorǵaý jáne órttiń odan ári taralýynyń aldyn alý sharalaryn kúsheıtý tapsyryldy.
2026 jyl 16 shilde saǵat 16:00-degi jaǵdaı boıynsha órt sóndirýge 400-den astam adam jáne 100-ge jýyq tehnıka jumyldyryldy. Kólemi 100 tonnadan asatyn sý sebildi.
Jedel shtab jumysy Premer-mınıstrdiń jeke baqylaýynda.
Aıta ketelik Aıta ketelik Semeı ormanyndaǵy órt 60 gektar aýmaqty sharpydy. Sonymen qatar «Semeı ormany» rezervatynda órt shyqqan soń lagerdegi 200-ge jýyq bala evakýatsııalandy. Jalyndy sóndirý úshin 102 tonna sý tógildi.
