Premer-mınıstr tasqynmen kúres týraly: Qajet bolsa, halyqty májbúrlep kóshirý kerek

ASTANA. KAZINFORM – Premer-mınıstr Oljas Tótenshe jaǵdaılar mınıstrligine tasqyn qaýpi tóngen eldi mekenderdiń turǵyndaryn qajet bolsa, májbúrlep kóshirý týraly tapsyrma berdi.

«Keıbir óńirlerde tasqyn qaýpi áli seıilgen joq. Ózenderde sý deńgeıiniń kóterilý faktileri tirkelýde. Osyǵan baılanysty Tótenshe jaǵdaılar mınıstrligi ákimdiktermen birge tasqynmen baılanysty jaǵdaıǵa baqylaýdy kúsheıte bersin», - dedi ol Úkimet otyrysynda.

Sondaı-aq, ol tasqyn jaǵdaıynda batyl áreket etý mańyzdy ekenin atap ótti.

«Qajet bolǵan jaǵdaıda shuǵyl áreket etip, halyqty kóshirýdi qamtamasyz etsin. Qaıtalap aıtam, kerek bolsa, májbúrli túrde kóshirý qajet», - dedi Oljas Bektenov.