Premer-mınıstr shegirtkege qarsy hımııalyq óńdeý jumystaryn ýaqtyly bastaýdy tapsyrdy
ASTANA. KAZINFORM – Aýyl sharýashylyǵy vıtse-mınıstri Azat Sultanov shegirtke zııankesterine qarsy hımııalyq óńdeý jumystary kórshi eldermen birlese júzege asatynyn aıtty.
Búgin Úkimet otyrysynda Premer-mınıstr Oljas Bektenov shegirtkeniń taralýyna tosqaýyl qoıý jumystary qalaı iske asyrylyp jatqanyn surady.
- Eń bastysy, bul máseledegi jumystardy ýaqytyly júzege asyrý kerek. Tehnıka men hımıkattar bar, - dedi Úkimet basshysy.
Óz kezeginde A.Sultanov mınıstrlik boljamy boıynsha kórshiles elderde zııankesterdiń taralýy 1,2 mln gektar ekenin aıtty.
- Barlyq kórshi eldermen áreket etýdiń arnaıy algorıtmi qarastyryldy. Qazirgi ýaqytta shekaradaǵy mańyzdy ýchaskelerde monıtorıng júrip jatyr. Endi atalǵan algorıtm boıynsha zııankesterdiń oshaqtary anyqtalǵan jaǵdaıda, eki jaqtan da tehnıka jiberiledi. Jalpy, elimizde shegirtkemen kúreste alańy 2,2 mln gektar jerdi óńdeý josparlanǵan. Ońtústik óńirlerde bul jumystar aıasynda hımııalyq óńdeý bastalyp ketti. Bul baǵytta tıisti qarajat qarastyrylǵan, - dedi vıtse-mınıstr.
Eske salsaq, Qazaqstanda bıyl shegirtke zııankesterine qarsy hımııalyq óńdeý jumystarynyń boljamdy kólemi 2,2 mln gektar.
