Prezıdent ushaq apatynan zardap shekkenderge kómek kórsetýdi erekshe baqylaýda ustaýdy tapsyrdy

ASTANA. KAZINFORM – Memleket basshysyna Úkimettik komıssııanyń Aqtaý qalasy áýejaıynyń mańynda bolǵan Az Airlines áýe kompanııasynyń Embraer 190 ushaǵynyń apatqa ushyraý sebepterin tekserý jáne zardap shekkenderge kómek kórsetý jóninde júrgizip jatqan jumysy týraly baıandaldy.

QR Úkimeti baspasóz qyzmetiniń málimetinshe, oqıǵa ornynda zardap shekkenderge tolyq qoldaý kórsetý úshin sharalar qabyldandy.

Tótenshe jaǵdaılar qyzmeti 430-dan astam qyzmetker men 80-ge jýyq tehnıka jumyldyrdy. 29 adam aýrýhanaǵa jatqyzyldy. Zardap shekkenderge qajetti medıtsınalyq, psıhologııalyq jáne basqa da kómek kórsetilip jatyr.

Apattyq-qutqarý jumystary jalǵasyp jatyr. Ázerbaıjan Úkimetimen birlesip shetel azamattary men qaza tapqan jolaýshylardyń otbasylaryna qajetti kómek kórsetilip jatyr. Prezıdent zardap shekken azamattarǵa kómek kórsetý jumysyn erekshe baqylaýda ustaýdy jáne kórshiles elderdiń úkimetterine qajetti járdem kórsetýdi tapsyrdy.

Buǵan deıin Aqtaýdaǵy ushaq apatynyń hronologııasyn usynǵan edik.

Mańǵystaý oblysynyń Densaýlyq saqtaý basqarmasy Aqtaý mańyndaǵy ushaq apaty bolǵan jerden 4 adamnyń denesi tabyldy.

Memleket basshysy Qasym-Jomart Toqaev Ázerbaıjan Prezıdenti Ilham Álıevke kóńil aıtty.

Aıta keteıik, QR Prezıdentiniń tapsyrmasymen áýe apatyna baılanysty Memlekettik komıssııa quryldy.

Buǵan deıin habarlaǵanymyzdaı Aqtaýdaǵy ushaq apatyna qatysty sotqa deıingi tergeý bastaldy.

Sondaı-aq, Mańǵystaý oblysynyń ákimi ushaq apaty bolǵan jerge bardy.

Apatqa ushyraǵan ushaq bortynda Qazaqstannyń 6 azamaty boldy.