Premer-mınıstr pavlodarlyq stýdentterdiń mobıldi qosymshasyn basqa óńirlerge taratýdy tapsyrdy
ASTANA. KAZINFORM – Pavlodarlyq stýdentterdiń ınvataksı shaqyrýǵa arnalǵan mobıldi qosymshasy respýblıka aýqymyndaǵy jobaǵa aınalýy múmkin. Úkimet otyrysynda Premer-mınıstr Oljas Bektenov tıisti mınıstrlikke osyndaı tapsyrma berdi.
- Úkimetke joldanǵan ótinishterdiń birinde pavlodarlyq stýdentterdiń ınvataksı shaqyrýǵa arnalǵan yńǵaıly qosymsha ázirlegeni týraly aıtylǵan. Jasandy ıntellekt mınıstrligi ákimdikpen birge ony basqa da aımaqtarǵa taratý máselesin oılastyrý kerek, - dedi ol.
Oljas Bektenov atalǵan vedomstvoǵa onlaın kartalarda júrip-turý múmkindigi shekteýli adamdarǵa beıimdelgen nysandardy belgileý máselesin pysyqtaýdy tapsyrdy.
Buǵan Premer-mınıstr Oljas Bektenov Úkimet «shynaıy muqtaj adamdarǵa ǵana kómek» qaǵıdatymen jumys isteıtinin aıtqan bolatyn.
Úkimet otyrysynda Oqý-aǵartý mınıstri Juldyz Súleımenova arnaıy bilim berý uıymdarynyń statıstıkasyn atady.
