Premer-mınıstr ınvestıtsııalyq saıasattyń jańa kezeńin jarııalady
ASTANA. KAZINFORM – Qazaqstan Respýblıkasynyń Premer-mınıstri Oljas Bektenov Ortalyq Azııa elderi men AQSh arasyndaǵy «S5+1» formaty sheńberinde memleket basshylary qol jetkizgen ýaǵdalastyqtardy júzege asyrý máseleleri boıynsha Investıtsııalyq ahýaldy jaqsartý jónindegi keńestiń otyrysyn ótkizdi. Bul týraly Úkimet málim etti.
Keńes jumysyna dıplomatııalyq korpýstyń, onyń ishinde jańadan taǵaıyndalǵan AQSh-tyń Qazaqstandaǵy elshisi Djýlı M. Stafft, sondaı-aq halyqaralyq kompanııalar men isker qoǵamdastyqtyń ókilderi jáne QR memlekettik organdarynyń basshylyǵy qatysty.
Otyrysqa qatysýshylarǵa arnaǵan sózinde Premer-mınıstr Qazaqstanda júrgizilip jatqan konstıtýtsııalyq reformanyń mańyzdylyǵyn atap ótti.
— Qazaqstan mańyzdy saıası kezeńnen ótýde. 15 naýryzda ótetin jalpyhalyqtyq referendýmda azamattar jańa Konstıtýtsııanyń jobasy boıynsha daýys beredi. Jańa Konstıtýtsııa Prezıdentimiz Qasym-Jomart Kemeluly Toqaevtyń Ádiletti ári Qýatty Qazaqstan qurýǵa baǵyttalǵan aýqymdy saıası reformalaryn aıqyn kórsetedi. Úkimettiń negizgi mindeti — elimizdiń ornyqty ekonomıkalyq ósýin qamtamasyz etý arqyly azamattardyń tabysyn arttyrý jáne ómir súrý sapasyn jaqsartý. Osy maqsatqa jetý úshin jańa ınvestıtsııalyq tsıkldi tolyqqandy iske qosýǵa baǵyttalǵan keshendi sharalar júzege asyrylyp jatyr, — dep atap ótti Oljas Bektenov.
Buǵan deıin Bektenov India AI Impact Summit 2026 sammıtine qatysqanyn jazdyq.