Premer-mınıstr ımport almastyratyn óndiristik sharalar ázirleýdi tapsyrdy
ASTANA. KAZINFORM — Úkimet basshysy Oljas Bektenov otandyq taýar óndirýshilerdi qoldaý baǵytynda quzyrly organdarǵa birqatar tapsyrma júktedi.
— Birinshiden, Qarjy mınıstrligi Tsıfrlyq damý, ınnovatsııalar jáne aeroǵarysh ónerkásibi mınıstrligi jáne Ónerkásip jáne qurylys mınıstrligimen birge 2026 jyly 1 qańtardan bastap qazaqstandyq taýar óndirýshiler tiziliminiń avtomattandyrylǵan júıesin iske qosýdy qamtamasyz etsin. 2026 jyly 1 tamyzǵa deıin barlyq múddeli memlekettik organ men kvazımemlekettik sektor satyp alýdy retteıtin zańǵa táýeldi aktilerdi sáıkestendirsin, — dedi Oljas Bektenov Úkimet otyrysynda.
Premer-mınıstr júktegen ekinshi tapsyrma, Ónerkásip jáne qurylys mınıstrligi Ulttyq ekonomıka mınıstrligi jáne Qarjy mınıstrligimen birge ónerkásiptik kásiporyndar úshin, sonyń ishinde arnaıy ekonomıkalyq jáne ındýstrııalyq aımaqtarda ınfraqurylym salýdy qarjylandyrý jóninde sharalar qabyldaýy tıis.
— Úshinshiden, Ónerkásip jáne qurylys mınıstrligi ozyq tehnologııalyq sheshimderdi paıdalaný arqyly ımport almastyratyn óndiristiń artýyn qamtamasyz etý úshin otandyq kásiporyndar arasynda ónerkásiptik kooperatsııany damytý jóninde naqty sharalar ázirlesin, — degen tapsyrma berdi Oljas Bektenov.
Buǵan deıin Úkimet basshysy qazirgi júıe taýar óndirýshilerge sertıfıkatty jalǵan óndirýshilerge berýge jol berip otyrǵanyn aıtyp synady.
Sondaı-aq Premer-mınıstr «Elishilik qundylyq» baǵdarlamasyna qatyspaǵan kásiporyndar memlekettik qoldaýdan qaǵylatynyn aıtty.