Premer-mınıstr: Halyqtyń shaǵymyna dereý jaýap berińizder

ASTANA. KAZINFORM — Premer-mınıstr Oljas Bektenov Úkimet otyrysynda dári baǵasyna baılanysty shaǵymdarǵa ýaqtyly jaýap berýge jaýapty organdardy atady.

— Halyqtyń tarapynan kelip túsetin suraqtar men shaǵymdarǵa dereý jaýap berý qajet. 
Densaýlyq saqtaý mınıstrligine Mádenıet jáne aqparat mınıstrligimen, ákimdiktermen birlesip, dárilik zattarmen qamtamasyz etý týraly halyqpen turaqty negizde keń aýqymdy aqparattyq-túsindirý jumystaryn júrgizýdi tapsyramyn, — dedi ol.

Oljas Bektenov bul maqsatqa BAQ pen tsıfrlyq platformalardy, áleýmettik jelini, óńirlik is-sharalardy barynsha paıdalaný kerektigin atap ótti. 

— Bizdiń mindetimiz — densaýlyq saqtaý salasyn barynsha ashyq, ádiletti jáne eń bastysy, barlyq azamattar úshin qoljetimdi etý, — dedi Premer-mınıstr.

Aıta keteıik, búgin Úkimet halyqty dári-dármekpen qamtamasyz etý jaıyn talqylap jatyr.