Premer-mınıstr halyqaralyq sarapshylardyń ekonomıkalyq damý jónindegi usynystaryn taldaýdy tapsyrdy
ASTANA. KAZINFORM- Ekonomıkalyq damýdyń ózekti máseleleri boıynsha halyqaralyq sarapshylardyń usynystaryn talqylaý qorytyndysynda Premer-mınıstr jaýapty memlekettik organdar men uıymdarǵa aıtylǵan usynystarǵa taldaý júrgizýdi tapsyrdy, dep habarlaıdy Úkimettiń baspasóz qyzmeti.
Otyrys barysynda qatysýshylar álemdik naryqtardaǵy qazirgi ahýal, ekonomıkalyq ósimdi yntalandyrý sharalarynyń tıimdiligin arttyrý jáne halyqtyń ál-aýqatynyń turaqty ósýine jaǵdaı jasaý máseleleri boıynsha pikir almasty.
Áńgime barysynda ekonomıka qurylymyn nyǵaıtý jáne shıkizattyq emes sektordy ártaraptandyrý, Qazaqstannyń ónerkásiptik saıasatyn jetildirý jónindegi bastamalar sóz boldy. Sarapshylar sheteldik ınvestıtsııalar aǵynyn kóbeıtý jáne jeke kásipkerlikti damytý úshin qolaıly jaǵdaılar jasaý tásilderin usyndy.
-Sondaı-aq óńirlerdiń ónerkásiptik mamandanýyn damytýǵa, eksporttyq áleýetti keńeıtýge jáne strategııalyq ınvestorlardy tartýǵa nazar aýdaryldy. Budan bólek, jeke kapıtaldyń qatysýyn keńeıtý máseleleri talqylandy,-delingen habarlamada.
Osyǵan deıin keler jyly Qazaqstan ekonomıkasy qanshalyqty ósýi múmkin degen taqyrypty saraptaǵan edik.
