Premer-mınıstr Energetıka mınıstrligine birqatar mindet júktedi
ASTANA.KAZINFORM – QR Premer-mınıstri Oljas Bektenov Úkimet otyrysynda Energetıka mınıstrligine salany damytý boıynsha tapsyrma berdi.
– Munaı men gaz óndirýdiń josparlanǵan kórsetkishterine qol jetkizý maqsatynda Energetıka mınıstrligi barlyq jer qoınaýyn paıdalanýshylarmen kelismózder júrgizip, naqty is-qımyl josparyn ázirleýge tıis. Budan bólek, kómir hımııasynyń qolda bar áleýetin eskere otyryp, kómirdi qaıta óńdeý jobalaryna jeke ınvestıtsııalardy arttyrý jumysyn jandandyrýdy jáne áleýetti ınvestorlardy qoldaý sharalaryn keńeıtýdi tapsyramyn, – dedi ol.
Aıta keteıik, buǵan deıin tsıfrlyq tehnologııalar energetıka salasyn jańa deńgeıge shyǵaryp otyrǵanyn jazǵanbyz.
