Premer-mınıstr: Bizge ónim bólisý kelisimderin buzýǵa bolmaıdy
ASTANA. KAZINFORM – Premer-mınıstr Oljas Bektenov Úkimet otyrysynan keıin ótip jatqan baspasóz máslıhatynda Teńiz, Qashaǵan, Qarashyǵanaq munaı jobalary boıynsha ınvestorlarmen bekitilgen ónim kelisimderi men tikeleı kelisimderdi qaıta qaraý máselesi týraly pikir bildirdi.
- Biz bul kelisimderdi buzbaımyz. Ol elimizge zııanynan basqa eshteńe ákelmeıdi. Bul – ınvestıtsııalyq klımatqa baılanysty máseleler. Biraq biz qazir kelissózderdi bastadyq. Aldaǵy ýaqytta jańa kelisimge qol qoıý kerek. Osy kelissózder sheńberinde biz mindetti túrde ulttyq múddeni qorǵaımyz, - dedi ol.
Oljas Bektenov bul másele boıynsha Qazaqstan halyqaralyq tórelikke júgingenin de eske saldy.
- Qazir ózderińiz biletindeı, halyqaralyq tórelikke berdik. El múddesin halyqaralyq arbıtrajda da qorǵaýǵa tyrysamyz. Nátıjesin kóremiz, - dedi Oljas Bektenov.
Buǵan deıin Qazaqstan nege Qashaǵan aktsıonerlerinen $150 mıllıard talap etip otyrǵanyn jazǵan edik.