Premer-mınıstr bir aıda Qazaqstandy gazdandyrý josparyn jańartýdy tapsyrdy
ASTANA. KAZINFORM — Úkimet bir aıda eldi gazdandyrýdy jedeldetý jónindegi jospardy qaıta qarap, gazdandyrý deńgeıin 80% deıin jetkizýge baǵyttalǵan sharalardy ózektendiredi. Mundaı tapsyrmany Úkimet otyrysynda Premer-mınıstr Oljas Bektenov berdi.
Prezıdent eldi mekenderdi gazdandyrý qarqynyn jedeldetip, kórsetkishti 80%-ǵa deıin arttyrý mindetin qoıǵan edi.
— Energetıka mınıstrligine «QazaqGaz» kompanııasymen jáne oblys ákimdikterimen birlesip, bir aı merzimde gaz taratý jelilerin keńeıtý jáne salý josparlaryn jańartýdy tapsyramyn. Bul jobalardy tolyq ári úzdiksiz qarjylandyryp, iske asyrý merzimderine qatań monıtorıng júrgizý qajet, — dedi Oljas Bektenov.
Premerdiń aıtýynsha, jaqyn arada Úkimet otyrysynda gaz salasyn damytý máselesi jeke qaralady.
Aıta keteıik, búgin mınıstrler kabıneti jańa Konstıtýtsııanyń kúshine enýi aıasynda Memleket basshysynyń tapsyrmalaryn oryndaý barysyn qarady.
Qazaqstandy gazdandyrý deńgeıi 64%-dan asty.
