Premer-mınıstr: Analyq malǵa sýbsıdııa toqtamaý kerek

ASTANA. KAZINFORM — Premer-mınıstr Oljas Bektenov Úkimet otyrysynda mal sharýashylyǵyn sýbsıdııalaý saıasatynyń negizgi ustanymdaryn atady.

— Elimizdiń osy saladaǵy ishki múmkindikteri tolyq iske aspaı keledi. Ónim óńdeıtin kásiporyndar jarym-jartylaı ǵana jumys istep tur. Sondyqtan mal basynyń sanyn arttyryp, olardy zańsyz áketýge jol bermeı, analyq mal basyn sýbsıdııalaýdy qoldap otyrý qajet. Bul negizgi ónim túrleri boıynsha ımportty almastyrý máselesin sheshýge de múmkindik beredi, — dedi Úkimet basshysy.

Sondaı-aq, ol veterınarııalyq qaýipsizdik halyqtyń densaýlyǵyna tikeleı áser etetinin eske saldy.

— Sondyqtan óńirlerde sapaly veterınarııalyq ınfraqurylym jumys isteýge tıis. Budan bólek, aýrýdyń aldyn alý maqsatynda veterınarııalyq ekpelerdi ýaqtyly júrgizý qajet. Sonymen qatar syrttan ákelinetin mal ónimderine baqylaýdy kúsheıtý kerek. Salany tsıfrlandyrý mal ónimderiniń ómirlik tsıkliniń barlyq kezeńderinde ashyqtyqty qamtamasyz etýge tıis. Bıyl júrgizilip jatqan Ulttyq aýyl sharýashylyǵy sanaǵynyń nátıjeleri tsıfrlyq platformalarǵa ıntegratsııalanýy kerek, — dedi Oljas Bektenov.

Aıta keteıik, ótken aıda aýyl sharýashylyǵy sanaǵynyń úılerdi aralaý (lıstıng) kezeńi aıaqtalǵanyn jazǵan edik.