Premer-Mınıstr Almatydaǵy jer silkinisine qatysty pikir bildirdi
ASTANA. KAZINFORM – Úkimet basshysy Oljas Bektenov keshegi Almatyda bolǵan jer silkinisine qatysty pikir bildirip, quzyrly organdarǵa tapsyrma júktedi.
«Tótenshe jaǵdaılar mınıstrligi, ákimdik jáne basqa da memlekettik organdar bolǵan jaǵdaıǵa qatysty shuǵyl áreket ete bildi. Bul joly dabyl men halyqty qulaqtandyrý júıesi ýaqtyly iske qosyldy. Qala halqy qabyldaý pýnktilerine evakýatsııalandy. Baǵymyzǵa oraı, aıtarlyqtaı zardaptar bolǵan joq», - dedi Oljas Bektenov.
Premer-Mınıstrdiń aıtýynsha, qazir jaǵdaıdy esepteý-baǵalaý jumystary jalǵasyp jatyr. Sondaı-aq Úkimet basshysy Tótenshe jaǵdaılar mınıstrligi eldegi seısmologııalyq ahýalǵa turaqty monıtorıngti qamtamasyz etýi kerektigin aıtty.
«Kúshter men quraldar saqadaı saı bolýǵa tıis. Halyqpen aqparattyq túsindirý jumystaryn jalǵastyrý qajet. Sonymen qatar Tótenshe jaǵdaılar mınıstrligi elimizdiń taýly aımaqtarynda sel jáne laı kóshkini júrý qaýipine qatysty tıisti monıtorıngti qamtamasyz etýi tıis», - dedi ol.
Odan bólek, Oljas Bektenov tótenshe jaǵdaıda jedel áreket etý sharalaryn qabyldaýdy tapsyrdy.
