Premer-mınıstr áleýmettik sala qyzmetkerlerine memlekettik nagradalardy tabystady
ASTANA. KAZINFORM – Búgin elordadaǵy «Áleýmettik vektor: kásibılik, qurmet, tsıfrlyq bolashaq» halyqaralyq forýmynda Premer-mınıstr Oljas Bektenov áleýmettik sala mamandaryna memlekettik nagradalardy tabystady.
Búgin elimizde Áleýmettik qorǵaý júıesi qyzmetkeriniń kúni atalyp ótip jatyr.
- Búgingi is-sharaǵa elimizdiń áleýmettik qorǵaý júıesinde qyzmet etip, halyqtyń áleýmettik turǵydan osal toptaryna júrek jylýy men meıirim shýaǵyn syılap júrgen eńbekqor jandar, ardagerler men qoǵamdyq uıym ókilderi jınalyp otyr. Sizderdiń jetistikterińiz ben joǵary adamgershilik qasıetterińiz jalpy qoǵamǵa, óskeleń urpaqtyń boıyna erekshe kúsh-qýat beredi. Ataýly kún qarsańynda Prezıdentimiz adal ári tabandy eńbegimen tabysqa jetken bir top azamatty memlekettik nagradalarmen marapattady. Búgingi marapatty Memleket basshynyń sizderdiń el aldyndaǵy eńbekterińizge degen joǵary senimi, búkil qoǵamnyń ózderińizge degen shynaıy alǵysy dep qabyldańyzdar, - O. Bektenov.
Atap aıtqanda, Eńbek mınıstrliginiń ardageri Keńesbek Mahambetov «Parasat» ordenimen, sondaı-aq áleýmettik salanyń salanyń damýyna eleýli úles qosqan eńbek sińirgen qyzmetkerler Maıgúl Jaqanova men Almakúl Daýtova, «MÁSQ» AQ Basqarma tóraǵasynyń orynbasary Marat Janybekov «Qumet» ordenimen marapattaldy.
Budan bólek, «Eren eńbegi úshin» medali Eńbek jáne halyqty áleýmettik qorǵaý mınıstrliginiń shtattan tys keńesshisi Zahıra Begalıevaǵa, «Áleýmettik qorǵaý salasyn damytý jónindegi ulttyq ǵylymı ortalyǵynyń tehnologııalyq bóliminiń basshysy Muratbek Işanovqa, Abaı oblysy Aqsýat aýdanynyń arnaýly áleýmettik qyzmetter ortalyǵynyń qyzmetkeri Nurgúl Dúkenovaǵa, «Memlekettik annýıtettik kompanııa» ómirdi saqtandyrý kompanııasy» AQ aktýarlyq esepteýler qyzmeti basshysynyń orynbasary Kúlpash Temirbekovaǵa, Jambyl oblysy Sarysý aýdanynyń Múgedek balalardy ońaltý jáne beıimdeý ortalyǵynyń áleýmettik qyzmetkeri Bolat Úsembaevqa, Jetisý oblysynyń «Jan shýyq – Jetisý» qoǵamdyq birlestiginiń tóraıymy Gúlnaz Tileýberlınovaǵa tabystaldy.
Budan buryn habarlanǵandaı, Respýblıka kúni qarsańynda 500-den astam eńbek adamy memlekettik nagradalarmen marapattaldy.