Premer-mınıstr AES salýda ekonomıkalyq tıimdilikti qamtamasyz etý qajet ekenin aıtty

ASTANA. KAZINFORM – Premer-mınıstr Oljas Bektenovtiń tóraǵalyǵymen ótken keńeste Memleket basshysynyń Úkimettiń keńeıtilgen otyrysynda bergen energetıkany damytý jáne ıadrolyq klaster qurý jónindegi tapsyrmalaryn júzege asyrý barysy qaraldy. Bul týraly Úkimettiń baspasóz qyzmeti habarlady.

Prezıdenttiń elektr energetıkasy ınfraqurylymyn qarqyndy damytý jáne qajetti rezervter qurý jónindegi tapsyrmasyn eskere otyryp, 2025–2031 jyldarǵa arnalǵan elektr energııasynyń boljamdy teńgerimi tyńdaldy. Elektr energııasyn tutynýdyń udaıy ósýine baılanysty jeke ınvestıtsııalar esebinen jumys istep turǵan elektr stansalaryn jańǵyrtý arqyly 2035 jylǵa deıin 26,5 GVt deńgeıinde jańa generatsııasy bar qýattar qurylymy qarastyrylyp jatyr.

Energetıka mınıstri Almasadam Sátqalıev birinshi atom elektr stansasynyń qurylysy boıynsha áleýetti jetkizýshilermen júrgizilgen kelissózder týraly baıandady.

Premer-mınıstr AES salý máselesinde elimiz úshin barynsha ekonomıkalyq tıimdilikti qamtamasyz etý qajet ekenine toqtaldy. Jetkizýshini tańdaýda el ishindegi qundylyqty arttyrýǵa, óndiristi lokalızatsııalaýǵa jáne tehnologııa transfertine mán berý tapsyryldy.

Sondaı-aq atom ǵylymyn, sala mamandaryn daıarlaý boıynsha bilim berý baǵdarlamalaryn damytýdyń keleshegin talqylady. «Qazaqstan atom elektr stantsııalary» JShS basshysy Tımýr Jantıkın, Ulttyq ıadrolyq ortalyǵynyń basshysy Erlan Batyrbekov, ıAdrolyq fızıka ınstıtýtynyń basshysy Saıabek Sahıev ózderiniń saraptamalyq kózqarastarymen bólisti.

Qazaqstandaǵy alǵashqy AES 8 jyldyń ishinde salynyp bitýi múmkin ekenin jazǵan bolatynbyz.