Premer-lıganyń 18-týry: Qaı komandalar ózara myqtyny anyqtaıdy

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 18-týry ótedi.

Bul týrda alǵashqy oıyndar 18 tamyzda saǵat 18:00-de Petropavlda «Atyraý» men «Shahter» (Qaraǵandy), «Elimaı» (Semeı) men «Qyzyljar» (Petropavl) klýbtary arasynda bolady.

Semeılik «Elimaı» bıyl júldeli oryndardan úmittenip otyr. Qazir týrnır kestesinde tórtinshi orynda keledi. Búgingi oıynda jeńiske jetken jaǵdaıda úzdik úshtikke jaqyndaı túsedi.

Petropavldyq komanda keıingi týrlarda jaqsy nátıjege qol jetkizip, týrnır kestesindegi jaǵdaıyn jaqsartyp aldy.

Sondyqtan bul oıynda jankúıerler qyzyqty oıyn kútip otyr. 

Sondaı-aq, atalǵan týrda bul kúni 20:00-de «Qaısar» (Qyzylorda) men «Jetisý» (Taldyqorǵan) oınaıdy. 

Al 25 tamyzda 18:00-de «Qaırat» (Almaty) pen «Tobyl» (Qostanaı) sheberlik baıqasady.

Sol kúni 20:00-de «Ordabasy» (Shymkent) men «Aqtóbe» jasyl alańǵa shyǵady.

Bul týrdaǵy «Jeńis» (Astana) men «Astana» kezdesýi 29 qyrkúıekke shegerildi.

Eske salsaq, budan buryn fýtboldan Birinshi lıgada «Ulytaý» úzdik úshtikke kóterildi.