Premer-lıganyń 17-shi týry: Qaı komandalar ózara myqtyny anyqtaıdy

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 17-týry ótedi.

Bul týrda alǵashqy oıyn 17 tamyzda saǵat 16:00-de Petropavlda «Qyzyljar» men Almatynyń «Qaırat» klýbtary arasynda bolady.

Almatylyq «Qaırat» bıyl bas báıgeden úmittenip otyr. Qazir týrnır kestesinde ekinshi orynda keledi. Búgingi oıynda jeńiske jetken jaǵdaıda birinshi orynǵa kóteriledi.

Petropavldyq komanda keıingi týrlarda jaqsy nátıjege qol jetkizip, týrnır kestesindegi jaǵdaıyn jaqsartyp aldy.

Sondaı-aq, atalǵan týrda bul kúni 20:00-de «Elimaı» (Semeı) men «Turan» (Túrkistan) oınaıdy. 
Al 18 tamyzda 18:00-de «Shahter» (Qaraǵandy) men «Ordabasy» (Shymkent), «Jetisý» (Taldyqorǵan) men «Tobyl» (Qostanaı) kezdesedi.

Sol kúni 20:00-de «Aqtóbe» men «Qaısar» (Qyzylorda) jasyl alańǵa shyǵady.

Bul týrdaǵy «Astana» men «Atyraý» kezdesýi belgisiz merzimge keıinge shegerildi.

Eske salsaq, komandanyń eýrokýbok oıyndaryndaǵy sátsizdigine baılanysty Aleksandr Sednev «Ordabasy» bas bapkeri qyzmetinen ketetinin boldy.