Naýryz aıyndaǵy premer-lıgada kimder úzdik fýtbolshy boldy
ASTANA. KAZINFORM — Fýtboldan Qazaqstan kásibı lıgasynyń sheshimimen naýryz aıynyń úzdik bapkeri men oıynshylary anyqtaldy.
Oǵan bapkerler men kapıtandar daýys berdi. Nátıjesinde birdeı upaı jınaǵan Marın Tomasov («Astana») jáne Dastan Sátpaev («Qaırat») úzdik oıynshy dep tanyldy. Al úzdik bapker nomınatsııasyna Grıgorıı Babaıan («Astana») ıe boldy.
El birinshiliginde Marın Tomasov 6 oıynda 5 gol soǵyp, surmergender kóshin bastap tur. Al Dastan Sátpaev surmergender kóshinde 7 kezdesýde 4 márte mergendik tanytty.
Al Grıgorıı Babaıannyń jetekshiligimen «Astana» 6 kezdesýden keıin 14 kezdesýden keıin ekinshi orynda keledi.
Eske salsaq, fýtboldan áıelder arasyndaǵy Qazaqstan chempıonatynyń úshinshi týry máresine jetti.
Atalǵan týrdan keıin «Tomırıs-Turan», BIIK, «Aqtóbe» 7 upaımen kósh basynda keledi.