Premer-lıgada «Shahter» men «Jetisý» teń tústi

ASTANA. KAZINFORM — Fýtboldan Qazaqstan Premer-lıgasynyń HІV týrynda «Shahter» (Qaraǵandy) men «Jetisý» (Taldyqorǵan) kezdesýiniń nátıjesi belgili boldy.

Bıyl qaraǵandylyq klýb týrnır kestesinde sátsiz oıyn kórsetip keledi. Saldarynan tómengi oryndardyń birin mise tutyp turǵan jaǵdaıy bar. 

Al taldyqorǵandyq komanda alǵashqy týrlarda jankúıer kóńilinen shyǵarlyq deńgeıde oıyn kórsetti.

Degenmen odan keıin birneshe oıyn boıy jeńilistiń aşy dámin tatyp, jaǵdaıyn birshama qıyndatyp alǵan edi.

Kezdesý barysynda komandalar tartysty oıyn ótkize bildi. Qos klýb tarapynan gol soǵatyn birneshe múmkindik boldy. 

Komandalar 0:0 esebine qanaǵat bildirdi. 

Aıta ketsek, atalǵan týrda 20:00–de «Qaısar» (Qyzylorda) men «Elimaı» (Semeı) kezdesedi.

Al 18:00–de «Qaırat» (Almaty) pen «Jeńis» (Astana) sheberlik baıqasady.

Sondaı-aq «Ordabasy», «Aqtóbe», «Tobyl» komandalarynyń eýrokýbok oıyndaryna qatysýyna baılanysty atalǵan týrdaǵy olardyń qatysýymen ótetin birqatar oıyndar keıinge shegerildi.