Premer-lıgada «Aqtóbe» men «Qaırat» kósh bastady

ASTANA. KAZINFORM — Búgin, 2 maýsymda fýtboldan Qazaqstan Premer-lıgasy onynshy týry máresine jetti.

Ekinshi oıyn kúninde almatylyq «Qaırat» óz alańynda Qaraǵandynyń «Shahter» komandasyn qabyldady. 

Almatylyq klýb bıyl úzdikter qatarynan kórinip júrse, qaraǵandylyq ujym sátsiz oıynymen týrnır kestesinde kósh sońyndaǵy orynnyń birin mise tutyp júr.

Kezdesý barysynda «Qaırat» qarsylasynan 4:2 esebimen basym tústi.

Bıyl bas júldege úmitker retinde sanalyp júrgen «Aqtóbe» bul joly súringen joq.

Syrt alańda Túrkistannyń «Turanyn» 1:0 esebimen súrindirip, týrnır kestesinde 18 upaımen birinshi orynǵa kóterildi.

Odan keıingi oryndaǵy «Qaırat» ta dál osyndaı upaı jınady.

Sondaı-aq elordalyq «Jeńis» «Atyraýǵa» 0:1 esebimen jol berse, «Qyzyljar» (Petropavl) men «Elimaı» (Semeı) 1:1 esebine qanaǵat bildirdi.

Eske salsaq, budan buryn óz alańynda «Ordabasy» «Jetisýdan» 3:1 esebimen basym tússe, «Tobyl» «Qaısarǵa» 1:2 esebimen ese jiberdi. 

Endi aldaǵy on birinshi týr oıyndary 15 jáne 16 maýsym kúnderi ótkiziledi.