Premer-lıga: «Tobyl» «Qyzyljardan» jeńilip qaldy

ASTANA. KAZINFORM – Fýtboldan Premer-lıga komandalary arasyndaǵy Qazaqstan birinshiliginiń keıinge qaldyrylǵan 14-týrynda qostanaılyq «Tobyl» óz alańynda petropavldyq «Qyzyljardan» jeńilip qaldy.

Bıyl el birinshiliginde maýsym basynda «Tobyl» top jaratyn komanda retinde sanalǵan edi. Degenmen olardyń oıyny ázirge jankúıer kóńilinen shyǵatyn túri joq. Kezdesýdiń birinde myqty komandalardy tize búktirse, endigisinde oılamaǵan jerden qarsylasyna ese jiberip qoıady.

Qostanaılyq klýb búgin óz alańynda petropavldyq «Qyzyljarmen» kezdesti. Oıyn alań ıeleri úshin sátti bastalǵan edi. «Tobyl» sapynan áriptesi Roman Asrankýlovtyń bergen pasyn 26-mınýtta golǵa aınaldyryp ketti. Oǵan 44-mınýtta petropavldyq klýbtan Lýka Imnadze bir golmen jaýap qaıyrdy.

Al 82-mınýtta «Qyzyljardyń» oıynshysy Rafaıl Ospanov soqqan gol óz komandasyna jeńis alyp keldi.

Osylaısha «Tobyl» oılamaǵan jerden qarsylasyna 1:2 esebimen ese jiberdi.

Al «Atyraý» men «Aqtóbe» 1:1 esebine qanaǵat bildirdi.

Eske salsaq, budan buryn Konferentsııa lıgasynda «Astana» rýmynııalyq «Korvınýldy» jeńip ketti.