Premer-lıga: «Ordabasy» «Jetisýdy» jeńe almady

ASTANA. KAZINFORM - Fýtboldan Qazaqstan Premer-lıgasynyń HV týrynda shymkenttik «Ordabasy» syrt alańda Taldyqorǵannyń «Jetisýymen» teń tústi.

Ótken jyly el chempıony atanǵan shymkenttik klýb bıyl da sol jetistigin qaıtalaýdy aldyna maqsat etip otyr.

«Ordabasy» qatarynan tórt márte jeńiske jetip, týrnır kestesindegi jaǵdaıyn birshama túzep alǵan edi. Týrnır kestesinde birinshi orynǵa shyǵyp, qarsylastarynan uzaı túsken bolatyn.

«Jetisýmen» kezdesýi barysynda olar alǵashqy bolyp esep ashyp ketti. Oıynnyń 31-mınýtynda Saǵadat Tursynbaı mergendik tanytyp, óz komandasyn alǵa shyǵardy.

Al 83-mınýtta «Jetisý» sapynan Abylaıhan Jumabek tarazy basyn teńestirip ketti. 
Kezdesýde komandalar 1:1 esebine qanaǵat bildirdi.

Sondaı-aq, atalǵan týrda «Aqtóbe» óz alańynda Petropavldyń «Qyzyljaryn» 2:0 esebimen tize búktirdi.

Aıta ketsek, 27 shildede «Qaırat» syrt alańda Qaraǵandynyń «Shahterin» 3:0 esebimen oısyrata jeńse, «Elimaı» «Jeńisten» 1:0 esebimen basym tústi.

Atalǵan týrdaǵy «Qaısar» (Qyzylorda) men «Astana», «Turan» (Túrkistan) men «Tobyl» (Qostanaı) kezdesýleri keıinge qaldyryldy.