Premer-lıga: «Ordabasy» kósh sońyndaǵy «Shahterdi» áreń jeńdi

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 17-týryndaǵy taǵy eki oıynnyń nátıjesi belgili boldy.

Eýrokýbok oıyndarymen qosh aıtysqan Shymkenttiń «Ordabasy» komandasy endi el birinshiligine kúsh salatyn sekildi.

Shymkenttik klýb atalǵan týrda syrt alańda Qaraǵandynyń «Shahter» komandasymen sheberlik baıqasty. Oıyn barysynda olardyń qatarynan Sergeı Malyı 15-mınýtta qyzyl qaǵaz alyp, alańnan qýyldy. Soǵan qaramastan «Ordabasy» alań ıeleri qaqpasyna alǵashqy bolyp esep ashty. Ony 35-mınýtta Djasýrbek ıAhshıboev óziniń enshisine jazdy.

Qaraǵandylyq klýbtan 51-mınýtta Mılan Djokıch tarazy basyn teńestirse, odan keıin shymkenttik komandadan Artem Besedın 58, Djasýrbek ıAhshıboev 60-mınýtta eki gol soǵyp ketti.

Al «Shahter» sapynan Dmıtrıı Lısakovıch 77-mınýtta esep aıyrmasyn qysqartty.

Bul kezdesýde «Ordabasy» 3:2 esebimen jeńiske jetti.

Sondaı-aq taǵy bir kezdesýde qostanaılyq «Tobyl» syrt alańda Taldyqorǵannyń «Jetisýyn» 3:0 esebimen tize búktirdi.

Bul oıynda qostanaılyq komandadan Rýı Koshta 2, Islam Chesnokov 40 (penaltı), 50-mınýtta gol soqty.

Endi atalǵan týrda 20:00-de «Aqtóbe» men «Qaısar» (Qyzylorda) jasyl alańǵa shyǵady.

Al 17 tamyzda «Elimaı» «Turandy» 6:0, «Qaırat» «Qyzyljardy» 1:0 esebimen jeńdi.