Premer-lıga: «Qaısar» men «Jetisý» teń tarqasty

ASTANA. KAZINFORM — Búgin fýtboldan Premer-lıga komandalary arasyndaǵy el birinshiligi 18-týrynyń alǵashqy oıyn kúni aıaqtaldy.

Birinshi oıyn kúnin «Qaısar» (Qyzylorda) men «Jetisý» (Taldyqorǵan) komandalary qorytyndylady.

Qyzylordalyq klýb oıyn tizginin óz qolyna alýǵa tyrysty. Oǵan taldyqorǵandyq klýb laıyqty qarsylyq kórsetti. Komandalar 0:0 esebine qanaǵat bildirip tarasty. 

Bul oıynnan keıin «Qaısar» jetinshi orynǵa syrǵysa, «Jetisý» toǵyzynshy orynǵa kóterildi. 

Endi 31 tamyzda qyzylordalyq klýb óz alańynda Shymkenttiń «Ordabasysyn» qabyldasa, taldyqorǵandyq ujym Túrkistannyń «Turanymen» sheberlik baıqasady.

Aıta ketsek, budan buryn «Atyraý» Qaraǵandynyń «Shahterinen» 1:0, Semeıdiń «Elimaıy» Petropavldyń «Qyzyljaryn» 2:1 esebimen jeńdi.
 
Endi 25 tamyzda «Qaırat» (Almaty) pen «Tobyl» (Qostanaı), «Ordabasy» (Shymkent) men «Aqtóbe» jasyl alańǵa shyǵady.

Bul týrdaǵy «Jeńis» (Astana) men «Astana» kezdesýi 29 qyrkúıekke shegerildi.