Premer-lıga: «Qaırat» pen «Jeńis» teń tústi

ASTANA. KAZINFORM — Fýtboldan Qazaqstan Premer-lıgasynyń HІV týrynda almatylyq «Qaırat» óz alańynda elordanyń «Jeńisimen» teń tústi.

Almatylyq «Qaırat» bıyl bas júldege qol sozamyz dep úmittenip otyr. Qazir týrnır kestesinde úzdik úshtikte keledi. 

Al «Jeńis» uzaq jylǵy úzilisten keıin úzdikter qataryna qaıta qosyldy. Ázirge jankúıer kóńilinen shyǵarlyq oıyn kórsete almaı júrgen jaıy bar.

Jazǵy transferlik kezeńde komanda quramyna kóptegen jańa oıynshylardy tartty. 

Kezdesý barysynda almatylyq klýbtan Joao Paolo 49-mınýtta esep ashsa, 83-mınýtta elordalyq komandadan Lýkash Býdınskıı tarazy basyn teńestirdi.

Komandalar 1:1 esebine qanaǵat bildirdi.

Aıta ketsek, 13 shildede «Shahter» men «Jetisý» 0:0 esebimen teń tússe, «Qaısar»«Elimaıdy» 2:1 esebimen tize búktirdi.

Sondaı-aq «Ordabasy», «Aqtóbe», «Tobyl» komandalarynyń eýrokýbokta oınaýyna baılanysty atalǵan týrdaǵy olardyń qatysýymen ótetin birqatar oıyndar keıinge shegerildi.