Premer-lıga: «Qaırat» pen «Tobyl» teń oıynǵa qanaǵat bildirdi
ASTANA. KAZINFORM — Búgin fýtboldan Premer-lıga komandalary arasyndaǵy el birinshiligi 18-týrynda «Qaırat» pen «Tobyl» teń tarqasty.
Kezdesý barysynda almatylyq fýtbolshylar alǵashqy bolyp esep ashty. Oıynnyń 20-mınýtynda almatylyq klýbtan Joao Paolo óz múmkindigin múlt jibergen joq.
Óz qaqpasyna gol jiberip alǵan qostanaılyq komanda tarazy basyn teńestirýge umtyldy.
Degenmen birinshi kezeńde tablodaǵy esepke ózgeris engen joq.
Ekinshi kezeńde «Tobyl» fýtbolshylary qatarynan eki gol soǵyp ketti. Ony Ahmed El-Messaýdı 53, Davıd Enen 73-mınýtta óziniń enshisine jazdy.
Úsh upaı qolynan sýsyp bara jatqan «Qaırat» shabýyl shebin kúsheıtti. Olardyń qatarynan Andreı Ýlshın 96-mınýtta kózdegen nysanadan múlt ketken joq.
Osylaısha komandalar 2:2 esebine qanaǵat bildirdi.
Atalǵan týrdyń alǵashqy oıyn kúni, 24 tamyzda «Atyraý» Qaraǵandynyń «Shahterin» 1:0, Semeıdiń «Elimaıy» Petropavldyń «Qyzyljaryn» 2:1 esebimen jeńse, «Qaısar» (Qyzylorda) men «Jetisý» (Taldyqorǵan) 0:0 esebimen teń tarqasty.
Dál qazir «Ordabasy» (Shymkent) men «Aqtóbe» kezdesýi bastaldy. Ázirge esep - 0:0.
Bul týrdaǵy «Jeńis» (Astana) men «Astana» kezdesýi 29 qyrkúıekke shegerildi.
