Premer-lıga: «Qaırat» pen «Astana» bas júldege talasady

ASTANA. KAZINFORM - Elordalyq «Astana» Qazaqstan Premer-lıgasy komandalary arasyndaǵy el birinshiliginiń 24-týrynda «Aqtóbeni» jeńip, ekinshi orynǵa kóterildi.

Astanalyq komanda bıyl chempıondyq ataqqa qol sozýdy aldyna maqsat etip otyr. Sondyqtan árbir kezdesýde jeńiske jetý jolyn izdep keledi. Komanda búgin bas júldege qol sozyp júrgen «Aqtóbemen» kezdesýde de senimdi túrde oıyn kórsetti. 

Match barysynda Ýsman Kamara 8, Nazmı Grıpshı 17-mınýtta mergendik tanytty. Oǵan aqtóbelik klýb jaýap qaıyra alǵan joq.

Osylaısha «Astana» qarsylasynan 2:0 esebimen túsip, týrnır kestesinde ekinshi orynǵa kóterildi. Kósh basynda 22 oıynnan keıin 41 upaı jınaǵan almatylyq «Qaırat» keledi. Odan bir oıyn kem ótkizgen «Astananyń» 40 upaıy bar. 

Bas júlde taǵdyryn aldaǵy oıyndar sheshedi. Endi «Qaırat» 2 qarashada óz alańynda «Ordabasyny» qabyldasa, 10 qarashada syrt alańda «Atyraýmen» sheberlik baıqasady. Al «Astana» óz alańynda 31 qazanda «Atyraýdy», 10 qarashada «Jetisýdy» qabyldasa, 3 qarashada syrt alańda «Tobylmen» oınaıdy.

Sondaı-aq 27 qazanda «Qaısar» «Turandy» 1:0 esebimen jeńse, «Shahter» men «Qyzyljar» 1:1 eesbimen teń tústi.

Al 26 qazanda «Elimaı» «Atyraýǵa» 0:1, «Jetisý» «Qaıratqa», «Ordabasy» «Jeńiske» 1:2 esebimen jol berdi.