Premer-lıga: Fýtboldan el birinshiliginiń 16-shy týry ótedi

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń 16-týry ótedi.

Bul týrdaǵy basty oıyn 3 tamyz saǵat 20:00–de Almatyda «Qaırat» pen Semeıdiń «Elimaıy» klýbtary arasynda bolady. 

Eki komanda da aldyńǵy oryndarda keledi. Týrnır kestesinde «Qaırat» 25 upaımen úzdik úshtikti túıindese, «Elimaı» 22 upaımen tórtikke taban tirep tur.

Qos ujymnyń da bıyl júldeli oryndardan úmiti bar. Sondyqtan oıyn qyzyqty ótetini daýsyz.

Sondaı-aq, atalǵan týrda 3 tamyzda 16:00–de «Qyzyljar» (Petropavl) men «Jetisý» (Taldyqorǵan), 18:00–de «Atyraý» men «Qaısar» (Qyzylorda) sheberlik baıqasady.

Al 4 tamyzda 18:00–de «Jeńis» (Astana) pen «Aqtóbe», «Astana» men «Turan» (Túrkistan) oınaıdy.

Bul týrdaǵy «Tobyl» (Qostanaı) men «Shahter» (Qaraǵandy) kezdesýi 28 qyrkúıekke belgilengen.

Eske salsaq, budan buryn Saýd Arabııasy 2034 jylǵy fýtboldan álem chempıonatyn ótkizýge ótinim bergenin habarlaǵan edik.