Premer-lıga: «Elimaı» men «Jetisý» teń tústi
ASTANA. KAZINFORM - Fýtboldan Qazaqstan Premer-lıgasynyń HІІІ týrynda semeılik «Elimaı» men taldyqorǵandyq «Jetisý» teń tústi.
Kezdesý barysynda komandalar birden shabýylǵa kóshti. Qarsylastar týrnır kestesinde qatarlas keledi. Qaısysy jeńiske jetse, jaǵdaıyn odan ári jaqsarta túsetin edi. Birinshi kezeńde tablodaǵy esepke ózgeris engen joq.
Ekinshi kezeńniń alǵashqy mınýttarynda «Jetisýdyń» belsendiligi baıqalyp turdy. Nátıjesinde 54-mınýtta Ashat Baltabekov óz komandasyn alǵa shyǵardy. Al «Elimaı» sapynan Ivan Svırıdov 62-mınýtta tarazy basyn teńestirip ketti.
Komandalar 1:1 esebine qanaǵat bildirdi. Endi «Aqtóbe» men «Tobyl» (Qostanaı) komandalary kezdesedi. Al 1 shildede «Turan» (Túrkistan) men «Atyraý» oınaıdy.
Eske salsaq, 29 maýsymda «Ordabasy» «Qaısardan» 2:1, «Qaırat» «Astanadan» 3:1, «Qyzyljar» «Shahterden» 2:0 esebimen basym tústi.
