Premer-lıga: Búgin elimizde 22-týr oıyndary bastalady
ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 22-týry bastalady.
Bul týrdaǵy negizgi oıyndar 4 qzanda saǵat 16:00-de «Aqtóbe» men «Qaırat» (Almaty) arasynda bolady. Komandalar bıyl júldeli oryndarǵa qol jetkizýdi aldyna maqsat etip otyr. Sondyqtan jankúıerler atalǵan kezdesýden tartysty báseke kútetini anyq.
Sondaı-aq, atalǵan týrda 3 qazanda 14:00-de «Qyzyljar» (Petropavl) men «Ordabasy» (Shymkent), 16:00-de «Jetisý» (Taldyqorǵan) men «Elimaı» (Semeı) kezdesedi.
Al 15 qyrkúıekte 16:00-de «Atyraý» men «Turan» (Túrkistan), «Jeńis» (Astana) men «Tobyl» (Qostanaı) jasyl alańǵa shyǵady.
Al atalǵan týrdaǵy «Astana» men «Shahter» (Qaraǵandy) kezdesýi 16 qazanǵa shegerildi.
Eske salsaq, budan buryn Chempıondar lıgasynda «Real Madrıd» jeńilistiń aşy dámin tatty.
Madrıdtik klýb bul týrda syrt alańda Frantsııanyń «Lıll» komandasymen sheberlik baıqasty. Atalǵan kezdesýde ıspanııalyq komanda qarsylas qaqpasynan sańylaý taba alǵan joq. Esesine óz qaqpasyna bir gol jiberip, úsh upaı joǵaltty.
