Premer-lıga: Búgin elimizde 19-týr oıyndary bastalady

ASTANA. KAZINFORM - Búgin fýtboldan Premer-lıga komandalary arasyndaǵy el birinshiliginiń 19-týry bastalady.

Bul týrdaǵy negizgi oıyndar 31 tamyzda saǵat 20:00-de «Aqtóbe» men «Elimaı» (Semeı), 1 qyrkúıekte 18:00-de «Qaırat» (Almaty) pen «Astana» klýbtary arasynda bolady.

Eki oıynda da bıyl úzdikter qatarynda kórinýdi maqsat etken komandalar kezdesedi. Týrnır kestesinde «Astana» ázirge onynshy orynda turǵanymen, olar ózge klýbtarmen salystyrǵanda tórt oıyndy kem ótkizgen. Sondyqtan qalǵan týrlarda elordalyq ujym tek jeńiske jetý jolyn izdeıtini anyq.

Sondaı-aq, atalǵan týrda 31 tamyzda 18:00-de «Tobyl» (Qostanaı) men «Atyraý», 20:00-de «Qaısar» (Qyzylorda) men «Ordabasy» (Shymkent) kezdesedi

Al 1 qyrkúıekte 18:00-de «Jetisý» (Taldyqorǵan) men «Turan» (Túrkistan), 20:00-de «Shahter» (Qaraǵandy) men «Jeńis» (Astana) jasyl alańǵa shyǵady.

Eske salsaq, Konferentsııa lıgasynyń toptyq kezeńinde «Astanaǵa» «Chelsı» qarsylas atandy.