Premer-lıga: «Aqtóbe» men «Ordabasy» qarsylastaryna ese jiberdi

ASTANA. KAZINFORM — Búgin fýtboldan Premer-lıga komandalary arasyndaǵy el birinshiliginiń 19-týrynda «Aqtóbe» men «Ordabasy» qarsylastaryna ese jiberip qoıdy.

Aqtóbelik klýb óz alańynda Semeıdiń «Elimaıymen» kezdesken edi. Oıyn alań ıeleri úshin sátti bastalǵan edi. Nebári 3-mınýtta qarsylastar qaqpasyna belgilengen penaltıden aqtóbelik qorǵaýshy Álibek Qasym múlt ketken joq.

Odan semeılik klýbtan Samıýel Odeoıbo 31, Aslan Darabaev 53, Roman Murtaazev 94-mınýtta úsh golmen jaýap qaıyrdy.

Osylaısha «Aqtóbe» qarsylasyna 1:3 esebimen ese jiberip qoıdy. 

Aıta ketsek, qatarynan tórt kezdesýde jeńiske jete almaı keledi.

Sondaı-aq «Ordabasy» syrt alańda Qyzylordanyń «Qaısaryna» 1:2 esebimen jol berdi.
Oıynnyń birinshi kezeńinde 16-mınýtta shymkenttik klýbtan Igor Plastýn mergendik tanytty. Qyzylordalyq klýbtan oǵan Dýman Nárzildaev 65, Vıtalıı Prındeta 70-mınýtta eki gol soǵyp ketti.

Al «Tobyl» men «Atyraý» komandalary 1:1 esebine qanaǵat bildirdi.

Endi 1 qyrkúıekte 18:00–de «Jetisý» (Taldyqorǵan) men «Turan» (Túrkistan), 20:00–de «Shahter» (Qaraǵandy) men «Jeńis» (Astana) jasyl alańǵa shyǵady.