Premer eki aptada raqymshylyq jasaý tetikteri boıynsha usynys ázirleýdi tapsyrdy
ASTANA. KAZINFORM — Ákimshilik ister boıynsha raqymshylyq týraly bastama el tarıhynda alǵash ret kóterilip otyr. Bul týraly Úkimet otyrysynda Premer-mınıstr Oljas Bektenov aıtty.
— «Zań men Tártip» qaǵıdaty — jańa Konstıtýtsııanyń negizgi qaǵıdattarynyń ustanymdarynyń biri. Іshki ister mınıstrligi qoǵamda zań men tártip ıdeologııasyn ilgeriletý tujyrymdamasy jónindegi is-sharalardyń oryndalý barysyna taldaý júrgizip, qajet bolǵan jaǵdaıda tıisti túzetýler engizýi kerek. Qaýipsizdik pen múldem tózbeýshilik saıasatyn qamtamasyz etý boıynsha atqarylǵan jumystardyń nátıjeleri qoǵamdyq qaýipsizdiktiń jaı kúıi týraly Ulttyq baıandama aıasynda jyl saıyn jarııalansyn, — dedi Úkimet basshysy.
Oljas Bektenov Memleket basshysy Úkimet janyndaǵy Quqyq buzýshylyqtardyń aldyn alý jónindegi vedomstvoaralyq komıssııanyń jumys formatyn qaıta qaraǵanyna nazar aýdartty.
Osyǵan baılanysty Іshki ister mınıstrligine bıylǵy sáýir aıynyń sońyna deıin komıssııa otyrysyn jańa formatta ótkizýdi qamtamasyz etýdi tapsyrdy.
— Keshe Prezıdent jańa Konstıtýtsııanyń qabyldanýyna baılanysty azamattar men memlekettiń qaýipsizdigine qater tóndirmeıtin birqatar quqyq buzýshylyq boıynsha raqymshylyq jasaý týraly bastama kóterdi. Ákimshilik ister boıynsha raqymshylyq týraly bastama el tarıhynda alǵash ret kóterilip otyrǵanyn atap ótemin. Іshki ister jáne Ádilet mınıstrlikteri Bas prokýratýramen birlesip, eki apta ishinde raqymshylyq jasaý tetikteri boıynsha egjeı-tegjeıli usynys engizsin, — dedi Premer-mınıstr.
Aıta keteıik, Úkimet jańa Konstıtýtsııa normalaryn júzege asyrý joldary talqylandy.
