«Premerdiń Twitter-degi sońǵy habarlamalary shyndyqqa sáıkes emes» - RF Úkimetiniń baspasóz qyzmeti
ASTANA. QazAqparat - Belgisiz bireýler Reseı Premer-Mınıstri Dmıtrıı Medvedevtiń Twitter áleýmettik jelisindegi jeke paraqshasyn buzyp, birneshe habarlama qaldyrǵan, dep jazady ITAR-TASS RF Úkimetiniń baspasóz qyzmetine silteme jasaı otyryp.
«Premerdiń Twitter-ne bireýler kirgen. Mıkroblogtaǵy sońǵy habarlamalar shyndyqqa sáıkes emes», - dep atap ótti mınıstrler kabınetinde. D.Medvedev óziniń mıkroblogyn 2010 jyly AQSh-qa jasaǵan sapary barysynda tirkegen. Onyń akkaýnty - Reseıdiń blog salasyndaǵy tanymal resýrstardyń biri. 2013 jylǵy derek boıynsha, D.Medvedev akkaýntyn 2 mıllıonnan astam adam oqıdy. Qazir onyń sany 2,5 mln-nan asqan. RF Premer-Mınıstriniń orys tilindegi akkaýntynan basqa aǵylshyn tilindegi MedvedevRussiaE nusqasy bar. Sondaı-aq, ol Facebook jáne Instagram áleýmettik jelilerine de tirkelgen.
