Premer-mınıstrdiń ushaǵynan granata tabyldy
ASTANA. QazAqparat - Úndistan premer-mınıstri Narendra Modıdiń AQSh-qa ushyp ketýi úshin ázirlenip qoıylǵan ushaqtan jarylǵysh zaty joq granata tabyldy, dep habarlaıdy Times of India.
Basylymnyń habarlaýynsha, Air India áýe kompanııasynyń Boeing-746 ushaǵy Nıý-Delıdegi Indıra Gandıdiń hlyqaralyq áýejaıynda bolǵan. Ol Modı ádette saparlarǵa shyǵatyn "Djambo Djet" (Boeing-747) ushaǵymen ushý qıyndyqtary týyndaǵan jaǵdaıda ushyrylýǵa ázir turatyn.
"Boeing-747 Delı-Mýmbaı-Haıdarabad-Djedda reısine baǵyt alǵan. Ushaq senbi kúni tańerteń Djeddaǵa jetkende qaýipsizdik qyzmetkerleri bıznes-klass salonynan zalalsyzdandyrylǵan granata taýyp aldy", - delingen habarlamada.
BAQ málimetteri boıynsha, Djedda áýejaıynyń qaýipsizdik qyzmetkerleri ushaqta sanıtarlyq jumystar júrgizip, ushýǵa ruqsat bermek bolǵan.
Úndistannyń qaýipsizdik qyzmeti oqıǵanyń mán-jaıyn anyqtaýda.
