Premer-Mınıstrdiń resmı saıty hakerlerdiń shabýylyna ushyrady
ASTANA. 27 sáýir. QazAqparat /Gúlnár Jandaǵulova/ - On-laın konferentsııaǵa arnalǵan alańdy anyqtaý máselesi boıynsha daýys berý jarııalanǵan Premer-Mınıstr Kárim Másimovtiń saıty hakerlerdiń shabýylyna ushyrady,
dep habarlady saıt ákimshiligi.
«26 sáýirde Astana ýaqyty boıynsha saǵat 15.00 men 16.00 aralyǵynda, Qazaqstan Respýblıkasy Premer-Mınıstriniń onlaın-konferentsııasynyń alańyn anyqtaý máselesi boıynsha daýys berilip jatqan rm.kz saıtyna shabýyl jasaldy. 20 mınýttyń ishinde saýalnamanyń birinshi baǵamyna 10 myń daýys berý tirkeldi», -delingen ákimshilik taratqan málimdemede.
"Qabyldanǵan sharalardyń nátıjesinde shabýyl toqtatyldy. Birinshi saýalǵa qatysty «tópeı berilgen» daýystar alyp tastaldy jáne saǵat 15.00-degi kórsetkish qaıtaryldy. Saýalnamanyń basqa baǵamdaryna eshqandaı ózgertýler engizilgen joq», d- -ep habarlaıdy saıt ákimshiligi.
Kárim Másimov buǵan deıin Twitter-degi óz kúndeliginde onlaın-konferentsııa ótkizetin alańdy tańdaý boıynsha daýys berýdi jarııalaǵan edi.
