Premer-Mınıstrdiń orynbasary Sýma Chakrabartımen kezdesti

NUR-SULTAN. QazAqparat - QR Premer-Mınıstriniń orynbasary – Syrtqy ister mınıstri Muhtar Tileýberdi Qazaqstan Respýblıkasy Prezıdentiniń Ekonomıkalyq damý máseleleri jónindegi keńesshisi Sýma Chakrabartımen kezdesti. Bul týraly QazAqparat SІM silteme jasap habarlaıdy.

Kezdesý barysynda QR Prezıdenti Qasym-Jomart Toqaevtyń ınvestıtsııalardy basqarý júıesin reformalaý, atap aıtqanda ınvestıtsııalyq klımatty jaqsartý, ınvestorlardyń quqyqtaryn qorǵaý jáne sheteldik ınvestıtsııalardy tartý tetikterin jetildirý jónindegi tapsyrmasyn oryndaý boıynsha pikir almasyldy. Sondaı-aq, Úkimet sheshimderin qabyldaý talap etiletin ınvestorlardyń problemalyq máseleleri talqylandy.

S. Chakrabartı Qazaqstannyń azamattyq qoǵamynyń qatysýymen QR SІM janyndaǵy konsýltatıvtik-keńesshi organnyń jumysyn joǵary baǵalap, sondaı-aq birlesken bilim berý baǵdarlamalaryn damytý týraly ıdeıalarymen bólisti.

Kezdesý qorytyndysy boıynsha taraptar syndarly dıalogty turaqty negizde jalǵastyrý týraly ýaǵdalasty.